<隱世日式fusion菜🤤> 旺角東火車站行過去，大概要5分鐘！實質上個位置其實係都近何文田㗎！不過就真係比較少喺呢條街行，所以好surprise!!竟然有咁日式居酒屋🤣 燒雞翼 $70 里個燒雞翼最正係用佢配嘅日本青檸仔汁一齊食，甜甜酸酸咁好開胃👍🏼甜比例多啲！雞翼入面好juicy!表面有啲七味粉，好夠味！ 味淋魚干 $68 之前食嘅比較脆，或者比較硬身！今次係唔同，都幾淋而且佢上面再茶咗層蜜糖甜甜地😍點沙律醬啱哂！ 魴鮄 $300 超特別!!!上嘅時候好靚！！有燈添㗎！佢比較薄切，味道唔算好濃，粉紅與白色交集的魚身肉質紮實，味道清甜‼️佢有好多特別嘅刺身，我七點去嘅時候好多已經賣晒，估計佢數量唔多，想食要早啲去🤣 海膽和牛煲仔飯 $188 Woww!!全晚至鍾意🤤好新嘅配撘fusion菜！上菜嘅時候，店員會問你想唔想食飯焦，就幫你計時，到時候就提你可以撈得！飯係珍珠米，海膽原來熟咗就冇咗腥味，個和牛先不得了，肥瘦均勻食到流口水🤤真係有飯焦㗎！！！ ================== 小津居酒屋 (旺角) 旺角梭椏道6B號榮英大廈地下 ================== #甜蜜負荷